Tresna Spentiyu Kabali

Tresna Spentiyu Kabali

“Bulan Bahasa Bali Warsa 2023”

Om Swastyastu

Kenken Kabare, semeton Spentiyu ?

Dumogi sami rahayu nggih, Sane mangkin Bli Maji jagi pacang nguningayang indik Peringatan Bulan Bahasa Bali  ring Spentiyu utawi SMP Negeri 3 Busungbiu. Sami sampun uning sahadwaning sampun keunggahang olih Pemerintah Provinsi Bali, tema peringatan warsa 2023, inggih punika Segara Kerthi "Campuhan Urip Sarwa Prani", wah napi  teges nyane semeton ?.

Mangkin Bli Maji pacang takenang dumun ring guru bahasa Bali, Ibu Dek Dwik, aran lengkap ipun Ni Kadek Dwi Ratnadi, SPd.B., mangde side nyawis pitaken puniki.

Bu Dek nyawis kadi puniki : "Segara punika merupa campuhan toya sane nguripin sarwa pranine utawi kehuripane sane wenten ring jagat gumi”. Pas pisan lan nyantep pisan penyawis Bu Dek Dwi punika.

Nglantur malih mawesang. “Ngawinang Sarwa pranine hitang kara sekadi sane sampun ketah kawenttenanye ring bait mantram Tri Sandya".

Wah dadosne sekadi tresna sane mepadu ngih Bu Dek, side ngawinang nemokang kebahagiaan. Ha haaaa….., cocok pisan niki ngih, meartos niki Spentiyu munggahang sub tema Tresna Spentiyu Kabali.

Nah, dawning sisia Spentiyu sampun wenten sane nyarengin pula-pali Bulan Bahasa Bali ring desa adat, ring Wimbakara Nyurat Aksara Bali  :

1.  Jayanti siki   (1) :  Kadek Risma Aripta Sari Kelas VII a,
2.  Jayanti kalih (2) :  Ni Kadek Lita Sandy Kelas 9a,
3.  Jayanti tiga  (3) :  Ni Kadek Dela Lestari Kelas 9a.

Lan Guru Bahasa Bali Spentiyu sane maparab Ni Kadek Dwi Ratnadi S.Pd.B. ngemolihang Jayanti Siki ring wimbakara Mesatua Bali, sane maktayang satua bali memurda “I Siap Selem”

Nah mangkin Bli Maji nunas galah pacang maritetesin indik pemargi Bulan Bahasa Bali ring Spentiyu, sane kelaksanayang antuk Pasraman serahine antuk unteng pemargi :

1. Latihan Mekidung sane kasarengin 60 diri,
2. Mesatua Bali 40 diri,

Mekidung lan masatua Bali piniki kasarenin oleh sisia sane truni utawi sane putri kemanten. Nglantur ring pemargi siswa sane lanang kedagingin antuk mlajah mekarya klansah, kise lan regek, nika silih siunggil kearifan loal Bali sane kaangen rikala parikrama upacara buta yadnya.

Pasraman Serahina sekadi  mekidung, mesatua bali, ngulat klangsah, kise lan regek unteng tatujon ipun wantah ngicenin alit-alit Spentiyu mlajahang angga mangda rikala  ring masyarakat dados krama truna utawi sekaa truna side sareng mekarya soroh punika. Mangda ring sajeroning proses utawi pula-pali pasraman punika mecihna sisia Spentiyu sampun side kaucap side sekadi daging lan tatujon pasraman.

Selantur ipun wenten sane kajudi mangde prasida mepajar ke ajeng mesatua lan mekidung manut kelompok ipun. Kenten naler sisia lanang sane sampun puput makarya klangsah, kise lan regek kaicen pawarah lan galah ring genah sane sampun kecumawisang.

Naler rikala galah becik punika Kepala SMP Negeri 3 Busungbiu I Made Jimat,  alumnus saking Pascasarjana Undiksha puniki nantur maritetesang, minakadi Pasraman serahine punika leket pisan ring paridabdan, sahadwaning Spentiyu utawi SMP Negeri 3 Busungbiu dados Sekolah Penggerak ring wewidangan Kecamatan Busungbiu, sane naler nguratiang Program Literatasi “Kamis Kabali”. Unteng ipun jeg jegjeg satinut ring nyabran rahina Kamis Mabusana Adat Bali dan Mabahasa Bali.

Astungkara  sareng urati nglaksayanag Paridabdab lan Kakebah Guru Wisesa Pemerintah Provinsi Baline, pinake warisan budaya leluhur Baline sane adi luhung.

Meli manggis mekerat ke Bangli

Waluh cina layu kaplali

Hari Kamis mabusana adat Bali

Cihna Spentiyu Kabali

Om Santih, Santih, Santih Om

Rahayu

Artikel Lainnya :

• PSIKOLOGIS PARA GURU DALAM WACANA KURIKULUM BARU DAN MENTERI BARU : TANTANGAN ADAPTASI DAN
• Hari Lahir Pancasila 2024
• NYALA LILIN RA KARTINI 2023
• AKTIF DAN BERKARYA SEBAGAI KEPALA.SEKOLAH PENGGERAK.
• Pentingnya membangun budaya literasi positif di SMP Negeri 3 Busungbiu